هيثم درويش شاب امتلأ سحرا بالموسيقى يعزفها على أوتار العود و كأنه يطهر روحه من أمراض العصر و ملوثاته السمعية هو يعشق آلة العود و هى آلة وترية موسيقية كمثرية الشكل صندوقها عميق، وتحتوي على لوحة نقر الأصابع ولكنها لا تحتوي على دساتين ظهرت هذه الآلة في موسيقى العصور الوسطى والموسيقى الإسلامية الحديثة، وتعتمد في إصدار الأصوات على نقر ريشة العزف على أوتار الآلة المثبتة والمشدودة في مشط الآلة، وتظهر مفاتيح ضبط النغمات على جانبي صندوق المفاتيح
و يعد العود قاسم مشترك لأي مقطوعه موسيقيه تُستخدم بشكل أساسيّ في إنتاج موسيقى شرق أفريقيا وموسيقى الشرق الأوسط. وكان ملازما لكبار الموسيقين والملحنين حتي أن أعظم المقطوعات الموسيقيه والغنائيه في تاريخ الغناء المصري ،تولدت نغماتها علي اوتار العود ومن أهم الموسيقين الذين ارتبطوا بالعود،
سيد درويش ،رياض السنباطي ،القصبجي ،فريد الاطرش محمد عبد الوهاب
طبيى الخاص أجرت حوارا مع هيثم درويش كنموذج لشاب من شباب الموسيقيين الواعدين فى المستقبل .
– سني ٤٠ سنه مهندس كمبيوتر تيكنيكل بدأت اتعلم العود من ٢٠٠٥
– ما سر اختيارك لاله العود والعزف عليها
*مش سر ولا حاجه وانا صغير كنت دائما اسمع سيد مكاوي وفريد الأطرش مع والدي كان بيحب يتفرج عليهم وبذات لو في حفله بيبقي مبسوط و مالي الدنيا بهجه ودي حاجه مخلياني اني عايز اتبسط وعايز العب حاجه ولو حد يسمعني يتبسط هو كمان فاخترت العود
-العود اله اساسيه في انتاج موسيقي الشرق الأوسط وشرق أفريقيا وتعددت أنواعه وانواع العزف عليه ،فما هي ؟
*مدرسه مصريه و شاميه وعراقية ثقافة البلد بتدي طابع العزف ع العود
-هل ما زالت مكانه العود موجوده بقيمتها في الغرفه الموسيقيه الان ؟
مكانه العود زي ما هي اغلي الألحان بتتعزف على العود قبل ما ما تتعزف على الات تانيه بذات الشرقي ممكن العود ميطلعش بس يبدأ العزف علي العود الأول في معظم الالحان دلوقت الالحان العربيه او الشرقيه صعب تتعمل على جيتار مثلا
-هل فقد العود رونقه عندما تم تحسينه وادخل الكهرباء عليه ؟
*صوت الخشب غير صوت الكهرباء ، الخشب حاجه تانيه مع انها أوضح الا اني مبكونش سامع صوت عود بيبقي كهرباء اوتار وتحتها مايك بتطلع الصوت ومفيهوش القسعه فبيختلف تماما وساعات بيستخدموا بره بيطلع منه اصوات غير رنه العود فمبقاش عود ،بقت اله الكتريك
-هل تراجع العود أمام الجيتار؟
*-كل حاجه ليها مكانتها العود اله (أشمل) من الجيتار وكل حاجه مختلفه ،العود في شرقي بيبقي اكتر الجيتار عنده نقص شويه عن العود
–لماذا ارتبطت دائما اوتار العود بالالحان الحزينه ؟
*لا ملوش علاقه لو رجعنا بالزمن لوره فريد الاطرش عمل اغنيه مقام الصبا مقام حزين وأتعملت علي اغنيه مش حزينه اسمها زينه زينه
-هل يعد العود اله صعبه في التعلم بالنسبه للمبتدئين عن اي اله أخري ؟
*مفيش حاجه سهله ولا حاجه صعبه متطلب تمرين وبعد كده نلعب ع اي اله أنا بدي فرصه من ٣لخمس شهور مثلا يلعب مزيكا ويقرا نوته ومعتمد عليه بردوا في التمرين
درجه الشغف بتحدد المده ؟
– في ناس عنده موهبه، موهبه السمع يقدر يلعب ع اي اله مع التمرين بيبقي اسرع في معندوش الموهبه لكن مع التمرين بمرن وداني كمان اكتر، الموهبه بتفرق . في ناس دكاتره مزيكا بتلعب مزيكا لكن مبتبقاش عنده
-عرف القدماء المصريين العزف ع الاوتار ؟
أو الات اله الهارب والناي عند القدماء المصريين أشهر حاجه عندهم ؟
الهارب اله وتريه كان موجود عندهم عود شبيها بالعود
المندولين قريبه من فصيله العود النغمات مختلفه شويه عن العود لكن قريبه منها معظمهم الات وتريه نفس الفصيله
كل شخص وله بصمه ؟
الشيخ امام عزفه ع عود مختلف كل شخص وليه بصمه مختلفه ع عود طريقه عزفه عليها مختلف
درست في بيت العود العربي سنه ٢٠٠٩ ناصر شمه روحت الاوبرا مع الاستاذ حازم شاهين ٢٠١٠ حتي في المعهد، العزف نفسه كل انسان وله بصمه ريشته مختلفه طريقه عزفه زي ما تسمع حاجه لفريد الاطرش تبقي عارف أن ده فريد الاطرش مثلا كل واحد وله لون
سيبت بصمه ولا لسه
في ناس بتقول لما تسمع المزيكا بتاعتي بتبقي عارفه أن دي بتاعتي ،مش متفرغ للموسيقي اوي زي باقي زمايلي
في مجموعه حاجات أنا عملتها تراك قمرون لحن اغنيها لكن لسه متنفذتش كأغنيه
