خواطر ..
إحساس غريب جدا أن امبارح زى النهارد ويمكن يكون بكره كمان
من الصباحية بانتظر الجديد٠ فرحة تايها- خبر جميل يسر القلب مش لاقى !! الاخبار محبطه ارتفاع الأسعار اللى تغم وتعكنن وكمان حرب روسيا وأوكرانيا وخبر اللاجئين والنازحين والبيوت المهدومه فوق رؤوس الناس كل ده علشان ايه؟ جشع الجاشعين وحلم النفس الإمارة بالسوء ولا ده العادى والطبيعى تدافع البشر والشر اللى متأصل فى نفوس البشر منذ أن قتل قابيل هابيل
عايزين نسمع عن اختراع لاستئصال الكذب والنفاق او حتى جهاز يسيطر على النزوات ويعطل الشهوات ~شهوة السلطة _شهوة المال- شهوة الجنس والانفلات الأخلاقي-شهوة افتراس الضعفاء
ياريت نسمع عن بنت اتجوزت وشاب اتجوز بدل مانسمع عن حوادث الاغتصاب و الانتحار
ياريت نسمع عن شاب تفوق ونجح فى الحياة واصبح من المونوليرات ومايقولش لأبيه هات–
ياريت نسمع أن الناس بقت كأسنان المشط أمام القاضى والأمين فى الشارع وفى المرور وفى باقى الوزارات
ياريت نسمع عن الراتب خبر حلو أنه كمل الشهر بنجاح
كلها امنيات يمكن تتحق مع الشهر الكريم
سؤالك عنى خبر سار
كل عام وانتم بخير
د سيد عبدالعال يكتب : أمنيات الشهر الكريم
- Advertisment -
