الحلقة الخامسة من البرنامج الأدبى
وقصيدة الغريب من ديوان اوليات العشق
لشاعر الوطن / على رضوان
الغريب
قلبى انا مش طبل
يامقفلين الشوارع
ياولاد اللى بيدفعوا
يامغليين الرخيص
ومرخصين اللى إتغلى
جيب الغريب نداه
جيب ابن البلد فاضى
جيب الغريب يملاه
وابن البلد راضى
مين اللى اتهبل ..هبل
وش النهار مكشوف
وش البنات طل
وش السما مكسوف
وش البنات هل
ليه………..؟
ياخسارة
الزمن ليه معلمهاش
مين اللى دفع
مين اللى فرش
مين اللى دمه إتفرش
ليه الرجال لونها اتخطف
ليه البيبان تترد
ليه الهزل مش معزول م الجد!!!
فينك يا نعمة
أكشفى حجابك شوفى
امنى من خوفى
انا اللى وشى اتعصر عصر
ومانيش دارى
اللعنة فيا ولا فيكى ولا فى العصر
يانعمة ليه شاردة
النجمة
فى وش الليل م العصر
وش الرجال ليه متحير
الوفا غير مصارة ليه
يانعمة ياللى ضلتك عمرها ماضلت حد
ولا عمر بابك ف وش الغريب اترد
انا مش بقول كلام برانى
كلامى بالفصيح
كلامى مش تجريح
ولا بسب ف حد
كلامى ف حد المهزله ع القد
وبابحث عن أجابة وحد
ليــــــــــه؟؟؟؟؟؟؟؟
يازمن متكهرب
ليه الحقيقة بتغرب
وتشرق وتندفن من غير كفن ؟
قوليلى يانعمة ع اللى سكن
أبن الغريب ولا أبن البلد !!!!!!!
الغريب؟؟؟؟؟؟
اللى قفل علينا الحوارى
والبيبان
وقلوب العذارى
واللى مش عذارى
واللى ما ما يتسموش
واللى يتسموا
ومين يسمعك ياقلبى
ياغريـــــــــــب
يا أبن الـــــــــــــــو………….؟؟؟
أشعار /على رضوان
