بقلم دكتورة إيمان يحيى – إستشارى نفسى إكلينيكى
١- التدين الداخلى أساس الدين ، خليك متدين من برة ومن جوة مش من الظاهر بس.
٢- تذكر إن الدين المعاملة ، يعنى مع الصيام والصلاة والزكاة وكل الفروض لازم معاها حسن التعامل والتعاون والتسامح ولين القلب.
٣- الرحمة مطلوبة سواء بالإنسان أو أى كائن حى كبيرا أو صغيرا.
٤- تحكم فى ألفاظك وخلى كلامك دايما محسن ، وبلاش كلام جارح .
٥- الإيمان النفسى معناه تبقى مؤمن من جواك بكل ما كتبه الله سواء خير أو غير ذلك وراضى وواثق فى لطف الله الدائم ، لإن أقدار الله دايما خير وأنت لا تعلم .
٦- تقرب إلى الله بالنوافل قدر إستطاعتك، مش مهم الكثرة لكن المهم المداومة وحسن العمل حتى لو قليل .
٧- الإيمان الوسطى وحسن اللقاء مع الآخرين أساس سيرتك الطيبة بعد ذلك، فحافظ على حسن المعاملات .
صوما مقبولا وإفطارا شهيا.
رمضان كريم.
