بقلم دكتورة إيمان يحيى – إستشارى نفسى إكلينيكى
١- الوالدين نعمة كبيرة جدا من ربنا حافظ على برهم فى حياتهم وبعد كدة.
٢- فى رضاهم بركة فى كل حياتك.
٣- لو موجودين إحمد ربنا ولو حد منهم بس موجود حافظ عليه وإدعيله وبره وإخدمه عن طيب نفس.
٤- لو مش موجودين إترحم وتصدق عليهم وإدعيلهم وإعمل بوصاياهم ونصايحهم الغالية، وإوهب ثواب أى نوافل ليهم، وبر أحبابهم، دة بردة شكل من أشكال البر.
٥- متخليش مشاغل الحياة تنسيك والديك وفضلهم عليك ، وإنهم سبب فى حياتك الناجحة دلوقتى .
٦- ممكن تخلى شهر رمضان فرصة لبرهم وودهم وزيارتهم وإستمر على كدة بعد الشهر الفضيل.
٧- إدخل السرور على قلبهم بعمل طيب ليهم أو خبر مفرح عنك يعرفوه وتجنب زعلهم وإحترمهم وقدرهم، فمهما فعلت لن توفى حقهم .
صوما مقبولا وإفطارا شهيا.
رمضان كريم.
