حال أصحاب المعاشات لا يسر عدو و لا حبيب إنتوا متخيلين إنسان او إنسانة كانت في منصب كبير مدني وحطوا خط تحت منصب مدني
وطلع أو طلعت علي المعاش وبتتقاضي ١٢٠٠
بعد ماكان بياخدوا ٧ او ٨ الالاف جنيه
وكانوا برده يدوبك مستوريين في ظل الغلاء الفاحش
وخصوصا الارتفاع الجنوني لاسعار الكهربه والفاز والميه المفاجيء بدون مقدمات
وزياده عشره جنيه مثلا ولا عشرين
لا ده فاتوره الكهربه في الصيف للي عنده تكيف واحد ممكن تيجي ٨٠٠ جنيه.بعد ماكان بيدفع في الصيف مع نفس التكيف ٣٠ او ٤٠ جنيه
تفتكروا الناس دي كيف تعيش وهي رافعه رأسها لفوق
اكيد حتمشي وهي ناكسه رؤوسها
ومش بعيد تلبس الست المديره خمار وتطلع تشحت في المترو
او الرجل المدير المدني يلف راسه بشال ويقعد غلي الرصيف يشحت
انتوا ناسيين ان ولادهم اللي انتوا تخيلتم انهم
كبروا وتخرجوا من الجامعه عرفوا يشتغلوا
لا والله مش هما دول اللي يلاقوا شغل
الشغل المحترم مفتوح لولاد ناس تانيه
كلكم عارفينهم
طيب واضيف علي ذلك ان في ناس اتجوزت ستات لم تكن تعمل واتجوزا وهما كبار سنا
وولادهم لسه في المدارس او الجامعات
اتقوا الله فيهم
انا شايفه اقل حاجه ممكن تتعمل ليهم
يلغي حكايه التهريج ان رصيد الاجازات يبقي بحكم المحكمه
ليه هي كانت خناقه
ده حقهم وخصوماتهم من مرتباتهم دفعينها مسبقا
تخيلوا
حتي رصيد الاجازات بحكم محكمه لم يصرف من جهات مختلفه بعد مرور اكتر من سنه علي الحكم
وايضا
ان يدفعوا ثلت فاتوره الكهربه والغاز والميه
وايضا تباع لهم اللحوم والدواجن من منافذ بيع الجيش بنصف التمن
وايضا يدخلوا اماكن الترفيه او المصايف بنصف التمن
لكن هل تخفيض تذكره المترو ٣ جنيه كافي
لا طبعا
هو الجنيه اصلا له تمن
ده ساعات الناس المحترمه بتتكسف تطلع بطاقتها عشان التخفيض الكبير قوي الثلاثه جنيهات
اصحاب المعاشات كلنا عارفين من زمان ان فلوسهم اتسرقت
ودي اقل حقوقهم
ده السن اللي المفروص يعيشوا فيه اصحاب المعاشات
حياه مريحه ويقدروا ياكلوا ويخرجوا ويتفسحوا
حراااام
وفي النهايه ليس عندي الا كلام ربنا سبحانه وتعالي
وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ
صدق الله العظيم
كان في اضافه من صديقتي ثناء محمود فى نفس الموضوع ما معناه ان اصحاب المعاشات ليس امامهم سنوات طويله يستمتعوا بأي اصلاحات علي الطرق وخلافه
دول مروحين بدري عند ربنا
ومن حقهم يستمتعوا بما تبقي من عمرهم
ويعيشوا حياه مريحه وليست ذليله
جزاها الله خيرا
