كتبت : غادة كامل
الكاتشب صوص حريف يحبه اﻷطفال كثيرا و من المفيد صحيا أن نعمله فى البيت بدون مواد حافظه مثل \” زر السترين \” وغيره اللى يسبب امراضا مزمنه على المدى البعيد والقريب .
تمكن فريق علمي بقيادة الدكتور: حسن عبدالله ادريس
الاستشاري التغذوي بمركز الملك فيصل التخصصي للسموم بالمملكة
انه اكتشف مؤخرا وجود مادة تستخدم في صلصة الكاتشب تعرف بالصمغ الغذائي والنشاء المعدل حيث اكتشف ان تركيبات هذين المستخدمين
في الآونة الأخيرة تحتوي على مادة الفينيلين المؤكسده مما يؤدي بالتالي إلى وجود مواد مسرطنه.
المقادير
3 كيلو طماطم .. 3 /4 كوب سكر .. 3 / 4 كوب خل .. فلفل ابيض .. ملح .. توم بودرة \” مش اساسي فى الوصفة \”
الطريقة :
\” 1.
هنغسل الطماطم طبعا كويس و نبتدى نوضبها و ده باننا هنشيل كل اللب اللى جواها و نحتفظ الجزء الناشف بس
2.
هنحط حلة فيها ميه و نسبيها على النار لحد ما تغلى و بعدين نحط الطماطم و نسيبها لحد ما القشرة تبتدى تنفصل و يبقى ممكن اننا نقشرها بسهولة
3.
ننشل الطماطم من الميه المغليه و نبردها بميه ساقعه و نستنى لحد ما تبرد علشان نعرف نشتغل بيها و نبتدى نقشر بروقان بقى و نحط اللى يطلع فى الخلاط لحد ما نخلص و بعدين نضربهم كويس
4.
نحط العصير فى حلة على النار لحد ما الحجم بتاع الطماطم يوصل لربع الكمية تقريبا او ننشفها على قد ما نقدر على نار هادية جدا و كل ما نشفنا زيادة كل ما كان احسن
5.
نضيف الخل و السكر و الفلفل الابيض و نضيف الملح و ندوق لحد ما الطعم يتظبط و بعدين نضيف التوم البودرة علشان يدى طعم و نعبي بعد ذلك فى الزجاجات .\”
