٠٠٠الطلاق٠٠٠
شعر
على رضوان حميد
مش دا اختيارك
إنك تقيدي بإيديكي نارك
و اخترتي إنك تعندي
وتشتري وحدك ياغالية
كأس مرارك
خدتي ايه من طلاقك ووحدتك
فادك ايه من خسارتك دنيتك
وخدتي ايه من الطلاق ومن الفراق
دحكو عليكي بكلمتين
ولا دي كانت رغبتك
قالولك ايه
سيبك منه واخلعية
اخنقية
عشان مايرمي عليكي اليمين
سيبي العيال ارميهمله
خليه خليه هم العيال
خليه يدوق طعم المرار
وانتي لسه صغيره
شبه وحلوه مدردحه
هنجوزك سيد الرجال
واللي خدته القرعه
مسيرها تاخده ام الشعور
صورولك الدنيا نور
متزوقه بكل الزهور
خدك شيطانك وفرحتي بيه
ضيعتي بإيدك دنيتك
وقطعتي إيد ضمتك
وبقيتي ياحلوه بره البلاد
ضاع الحنان ضاع الوداد
ضاع الأمان ويا الولاد
ضيعتي منك كل حاجة
وخدتي ايه
غير الطلاق
دوقي المرار دوقي الفراق
ومسيرك تموتي بحصرتك
لما يمر العيد عليكي
وماتعيديش
تسوي ايه لما الفرح
يكون حواليك وماتفرحيش
كان ليه دا كله
وخدتي ايه بعد الطلاق
دانتي نفسك ماتساويش
بعد الطلاق
شعر
على رضوان حميد
٢٠/٩/٢٠٢٢
\”الطلاق\” قصيدة جديدة للشاعر على رضوان
- Advertisment -
