كان مفروض القلم يكتب بس إيدي اتجمدت…..
قلبي بيقطر دم علي كل روح اتفجرت…….
مصر يا بلدي يا بلدي يا بلد المحبة ليه فيكي ناس تقتل وناس تحرق وليه القلوب اتغيرت……
علي ترابك ابني اتولد وفداكي روحه اتفجرت…..
حبيب أدفنه في العلم لقيته اتقطع………
دموعي نشفت من الألم والقلب جاله يوم واتكسر…….
تايه ما بين ولادي منيش عارف مين إلي عايش ومين اتقتل……..
دورت جوايا ع الأمل لقيته بالدموع اتعصر……..
تهت والطريق وحشة وغلبت اسأل ايه العمل………
في قلبي نار تحرق بلد مفيهاش ولد قلبه كان يوم ع البلد…..
الحزن واحد والقلوب اتقطعت…….
قلبي مجروح بينزف هم وألم…….
من بين دموعي سألت ابني..
لو يوم جالك شيطان يقتلك
قله دمي حرام وهاجي يوم وأسألك مين فينا الشهيد؟
وقله الجنة ليه والنار اخرتك……..
